Tatimi mbi Fitimin në Shqipëri — Guida e Plotë

Tatimi mbi fitimin në Shqipëri aplikohet mbi fitimin neto të biznesit (të ardhurat minus shpenzimet e lejuara) sipas Ligjit nr. 29/2023 "Për Tatimin mbi të Ardhurat" dhe është njëri nga tatimet kryesore kombëtare.

Tatimi i thjeshtuar mbi fitimin për bizneset e vogla ka normë 0% ose 5% sipas xhiros. Këto norma mund të ndryshojnë me legjislacionin e ri fiskal. Ne ndjekim çdo ndryshim dhe llogarit tatimin e saktë për bizneset e klientëve të mi.

DIVA-ja është deklarata vjetore që dorëzojnë individët (jo bizneset) për të ardhurat personale të vitit të kaluar. Detyrimi për të dorëzuar DIVA-n lind kur të ardhurat vjetore bruto nga të gjitha burimet kalojnë kufirin e përcaktuar me ligj (aktualisht 2 milionë lekë). Në DIVA deklarohen: të ardhurat nga punësimi, qiratë, dividendët, interesat bankare, fitimi nga shitja e pronës dhe burime të tjera.

Tatimi mbi të ardhurat personale aplikohet sipas shkallës progresive — 0%, 13% dhe 23% sipas fashës. Afati i dorëzimit është 30 prilli i vitit pasardhës nëpërmjet platformës e-filing; vonesa sjell gjobë 10,000 lekë plus kamatë. Ne ndihmojmë individët dhe drejtuesit e bizneseve me plotësimin korrekt të DIVA-s, duke shmangur gabime që sjellin kontroll tatimor.

Tatimi në burim (withholding tax) aplikohet sipas Ligjit nr. 29/2023 (neni 33) kur biznesi paguan të ardhura të caktuara te individë ose subjekte jo rezidente:

Biznesi që bën pagesën mban tatimin në burim dhe e derdh pranë DPT-së brenda datës 20 të muajit pasardhës. Gabimet në mbajtjen në burim sjellin gjoba. Ne menaxhojmë llogaritjen dhe derdhjen e tatimit në burim.

Fitimi i tatueshëm llogaritet duke zbritur nga të ardhurat bruto shpenzimet e lejuara fiskalisht:

• Kostoja e mallit të shitur (blerjet e dokumentuara me fatura të fiskalizuara)
• Paga, sigurime shoqërore dhe shëndetësore e punonjësve
• Qira zyre dhe ambiente (me kontratë të regjistruar)
• Shpenzime administrative (telefon, internet, furnizime)
• Amortizim aktivesh sipas normave ligjore
• Shpenzime marketingu dhe publicitet

Disa shpenzime kanë kufizime ligjore sipas Ligjit nr. 29/2023 (neni 20): shpenzime përfaqësimi deri në 0.3% të xhiros, shpenzime sponsorizimi deri në 3% të fitimit. Shpenzimet pa faturë të fiskalizuar nuk njihen fiskalisht — kontrollet tatimore refuzojnë zbritjet e padokumentuara. Ne sigurojmë dokumentim të plotë dhe korrekt për maksimizimin e zbritjeve ligjore të çdo klienti.