Bilanci Kontabël — Çfarë Tregon për Biznesin Tuaj dhe Pse Ka Rëndësi

Bilanci kontabël, i njohur edhe si Pasqyra e Pozicionit Financiar, është fotografia financiare e biznesit tuaj në një datë të caktuar. Ai tregon çfarë zotëron biznesi (aktivet), çfarë i detyrohet të tjerëve (detyrimet) dhe sa i përket pronarit (kapitali i vet).

Ekuacioni bazë: Aktive = Detyrime + Kapitali i Vet. Nëse kjo barazim nuk del, ka gabim. Bilanci kontabël ndryshon nga pasqyrat e tjera financiare sepse nuk tregon sa keni fituar gjatë vitit — tregon pozicionin financiar në një çast të vetëm.

Ana e majtë: AKTIVET

Aktive Afatshkurtra (AASH) përfshijnë gjithçka që konvertohet në para brenda 12 muajsh: arkën, llogarinë bankare, llogaritë e arkëtueshme, dhe stoqet.

Aktive Afatgjata (AAGJ) përfshijnë pasuritë që i shërbejnë biznesit për më shumë se një vit: pajisjet, automjetet, ndërtesat, dhe aktivet jo-materiale si licencat. Këto amortizohen gradualisht sipas normave të amortizimit.

Ana e djathtë: PASIVET + KAPITALI

Detyrime Afatshkurtra (DASH) janë borxhet që paguhen brenda 12 muajsh: furnitorët, TVSH-ja e papaguar, pagat, këstet e kredisë afatshkurtër.

Detyrime Afatgjata (DAGJ) janë borxhet me afat mbi 12 muaj: kreditë bankare, leasing financiar.

Kapitali i Vet (KV) përfshin kapitalin themeltar, rezervat, dhe fitimin e mbajtur ndër vite.

Klasat kontabël sipas SKK

• Klasa 1 = Aktive Afatgjata: ndërtesa, pajisje, mjete transporti
• Klasa 2 = Aktive korrente: parapagime, llogari të arkëtueshme
• Klasa 3 = Stoqe: mallra, lëndë të para, produkte të gatshme
• Klasa 4 = Palët e treta: klientë, furnitorë, tatime
• Klasa 5 = Llogari financiare: bankë, arkë, investime

Renditja në bilanc bëhet sipas maturitetit dhe likuiditetit — kërkezë e SKK-2 (në fuqi nga 1 janari 2025).

Nivelet e entiteteve sipas Ligjit 25/2018

Edhe biznesi më i vogël (mikro) duhet të hartojë bilanc kontabël. Kontrolloni pasqyrat financiare sipas pragut të të ardhurave.

Numrat e vërtetë tregojnë më shumë se çdo përkufizim. Marrim si shembull një restorant në Tiranë me 4 punonjës, i regjistruar si person fizik tregtar, me të ardhura vjetore rreth 8,000,000 ALL.

AKTIVET

PASIVET + KAPITALI I VET

Çfarë tregojnë këto numra?

Pajisjet e kuzhinës (furrë, frigorifer, pajisje larëse) kushtuan 2,000,000 ALL kur u blenë. Sipas Ligjit 29/2023, amortizimi linear me normë 20% i zhvlerëson 400,000 ALL në vit. Furnitorëve u detyrohemi 300,000 ALL për ushqime dhe pije. TVSH 120,000 ALL do të paguhet në deklaratën e muajit vijues. Kapitali 2,000,000 ALL është investimi fillestar i pronarit.

Kontrolli i balancës: 2,750,000 = 420,000 + 2,330,000. Balancon.

• Raporti Korrent (AASH ÷ DASH) = 1,150,000 ÷ 420,000 = 2.74 — mbi pragun 2:1, i shëndetshëm.
• Kapitali i Vet përbën 84% të totalit — biznesi financohet kryesisht nga burime të brendshme.

Nuk keni nevojë të jeni kontabilist. Këto 6 kontrolle bëhen në 10 minuta dhe ju japin një pamje të qartë të gjendjes financiare.

Hapi 1: Kontrolloni datën

Bilanci kontabël ka vlerë vetëm nëse e dini datën e tij. Zakonisht është 31 dhjetori. Nëse po krahasoni dy bilance, sigurohuni që janë të së njëjtës periudhë.

Hapi 2: Verifikoni barazimin

Aktive = Detyrime + Kapital. Nëse nuk del, ka gabim llogaritjeje. Mos shkoni më tej pa e zgjidhur.

Hapi 3: Raporti Korrent (AASH ÷ DASH)

Ky raport tregon nëse biznesi mund t'i paguajë borxhet afatshkurtra me aktivet që ka në dorë.

Hapi 4: Raporti i Shpejtë (AASH – Stoqe) ÷ DASH

Ky raport heq stoqet, sepse ato nuk konvertohen menjëherë në para. Nëse është ≥ 1:1, biznesi ka likuiditet të mjaftueshëm edhe pa shitur mallra.

Hapi 5: Kapitali i Vet

Kapital pozitiv do të thotë se biznesi ka më shumë aktive se detyrime. Kapital negativ do të thotë se biznesi është teknikisht i falimentuar. Krahasoni kapitalin e këtij viti me vitin e kaluar: nëse rritet, biznesi po krijon vlerë.

Hapi 6: Analiza e përbërjes së aktiveve

Shikoni sa përqind e aktiveve është para, sa është llogari të arkëtueshme, dhe sa janë aktive fikse. Shumë para në arkëtueshmit mund të tregojë probleme arkëtimi.

Kontrolloni edhe raportin e auditimit nëse keni entitet të mesëm ose të madh.

Bilanci kontabël dorëzohet në DY institucione me DY afate të ndryshme. Ngatërrimi i këtyre afateve është ndër arsyet kryesore të gjobave.

Afati 1: 31 Mars, pranë DPT-së

Deklarata e tatimit mbi fitimin dorëzohet përmes portalit tatime.gov.al. Bashkë me të ngarkohet bilanci kontabël në format Excel dhe shënimet shpjeguese në PDF. Bilanci duhet të përmbajë firmën e përfaqësuesit ligjor dhe kredencialet e personit që e përgatiti (kërkezë e Ligjit 25/2018).

Serverat e DPT-së patën probleme serioze në mars 2025, gjë që çoi në një shtyrje afati deri në prill 2025. Përgatiteni bilancin në shkurt dhe ngarkojeni sa më parë në mars.

Afati 2: 31 Korrik, pranë QKB-së

Pasqyrat financiare vjetore dorëzohen përmes e-Albania, shërbimi nr. 12582. Bashkë me to ngarkohet raporti i aktivitetit dhe raporti i auditimit (kur kërkohet ligjërisht). Mosrespektimi gjobiset veçmas.

Kush duhet të dorëzojë?

Të gjitha subjektet fitimprurëse të regjistruara pranë QKB-së: person fizik tregtar, SHPK, SHA, degë e shoqërisë së huaj. Njësitë jofitimprurëse gjithashtu, përveç kur rregullohen me ligje të veçanta.

Gjobat

Kalendari i punës

• Dhjetor: Inventar fizik, rakordim bankash, përditësim i amortizimit
• Janar – Shkurt: Përgatitje e bilancit, klasifikim shpenzimesh
• Mars (deri 31): Dorëzim DPT (tatime.gov.al)
• Korrik (deri 31): Dorëzim QKB (e-Albania)
• Gusht (deri 20): Pagesë e tatimit mbi dividendën, nëse aprovohet shpërndarja

Dokumentet kontabël ruhen për 10 vjet (Ligji 25/2018, neni 19). Kjo përfshin librat ditarë, regjistrat, faturat, ekstraktet bankare, dhe bilancet e nënshkruara.

Inspektorati tatimor gjobit bizneset 50,000 deri 500,000 ALL për gabime kontabël. Ja cilat janë dhe si shmangen.

1. Përzierja e financave personale me ato të biznesit — Pronari përdor llogarinë bankare të biznesit për shpenzime personale. Zgjidhja: llogari bankare të ndara, asnjë përjashtim.

2. Klasifikim i gabuar i aktiveve afatshkurtra vs. afatgjata — Kjo deformon raportet financiare. Zgjidhja: çdo aktiv/pasiv klasifikohet sipas afatit 12-mujor.

3. Norma të gabuara amortizimi pas Ligjit 29/2023 — Ligji 29/2023 ndryshoi normat e amortizimit: ndërtesa 5%, kompjutera 25%, aktive të tjera 20%, mjete transporti me tavan 50%. Zgjidhja: përditësoni tabelën e amortizimit çdo vit.

4. Mungesa e inventarit fizik në fund të vitit — Pa inventar, vlera e stoqeve në bilanc është e pasaktë. Zgjidhja: organizoni inventar fizik çdo 31 dhjetor.

5. Mosrakordim i llogarive bankare — Gjendja e bankës nuk përputhet me ekstraktin bankar. Zgjidhja: rakordim mujor, jo vetëm në fund të vitit.

6. Mosndarja e shpenzimeve të zbritshme nga ato jo të zbritshme — Nëse regjistrohen njësoj, fitimi tatimor del më i ulët se duhet. Zgjidhja: llogari të veçanta për shpenzimet e pazbritshme.

7. Dorëzim i bilancit pa firmë dhe vulë — DPT-ja dhe QKB-ja refuzojnë dokumente pa firmën e përfaqësuesit ligjor. Bilanci llogaritet si i padërëzuar.

Nëse nuk jeni të sigurt për ndonjë nga këto pika, na kontaktoni për një rishikim përpara dorëzimit.

Ligjërisht, çdo pronar biznesi mund ta përgatisë vetë bilancin kontabël. Por pyetja e vërtetë nuk është "a lejohet?", por "a ia vlen?"

Kur mund ta bëni vetë

Vetëpërgatitja funksionon nëse plotësoni TË GJITHA këto kushte: biznesi klasifikohet si mikro (të ardhura ≤ 5,000,000 ALL), keni më pak se 50 transaksione në muaj, punësoni 1-2 persona, përdorni një program kontabiliteti, dhe keni njohuri bazë të SKK-së.

Kur keni nevojë për profesionist

• Të ardhurat kalojnë 5,000,000 ALL
• Keni punonjës (deklarime ISHSH, sigurime, lista e pagave)
• Jeni subjekt i TVSH-së
• Zotëroni aktive fikse që duhen amortizuar
• Keni ortakë ose investitorë që kërkojnë raportim
• Planifikoni të merrni kredi bankare

Çdo njëri nga këto kushte mjafton. Nëse plotësoni dy ose më shumë, kontabilisti i jashtëm nuk është lukz, por domosdoshmëri.

Analiza kosto-përfitim

Një shërbim kontabiliteti i jashtëm kushton rreth 15,000 ALL në muaj (180,000 ALL në vit). Një gjobë e vetme inspektimi nis nga 50,000 ALL dhe shkon deri në 500,000 ALL.

Na kontaktoni. Përgatitja e bilancit kontabël është pjesë e shërbimit tonë të plotë të kontabilitetit. Konsultimi i parë është pa pagesë.