Pagat dhe Sigurimet në Shqipëri — Guida e Plotë
Valbona Xhanaj, Konsulente Tatimore & Doganore e çertifikuar nga IKM, me mbi 30 vjet përvojë në menaxhimin e pagave dhe sigurimeve për biznese në Tiranë, ju ofron guidën gjithëpërfshirëse për çdo aspekt të pagave dhe sigurimeve në Shqipëri — nga llogaritja e pagës neto deri te deklarimi i kontributeve.
Permbajtja
Si funksionon sistemi i pagave në Shqipëri
Sistemi i pagave në Shqipëri rregullohet nga Kodi i Punës (Ligji nr. 7961/1995, i ndryshuar), Ligji nr. 7703/1993 "Për Sigurimet Shoqërore", Ligji nr. 29/2023 "Për Tatimin mbi të Ardhurat" dhe vendimet e Këshillit të Ministrave. Çdo punëdhënës ka detyrimin ligjor të llogarisë pagën saktë, të mbajë kontributet e detyrueshme dhe ti derdhë ato pranë organeve tatimore deri në datën 20 të muajit pasardhës. Mospagimi në afat sjell kamatë-vonesë ditore plus gjoba administrative.
Nga paga bruto tek kostoja totale e punësimit
Paga bruto përfshin pagën bazë plus shtesat (natës, overtime, vjetërsi, rrezik). Nga paga bruto zbriten kontributet e sigurimeve shoqërore (9.5%), sigurimeve shëndetësore (1.7%) dhe tatimi mbi pagën sipas shkallës progresive. Punëdhënësi paguan shtesë kontributet e veta, kostoja totale e punësimit arrin rreth 116.7% të pagës bruto. Ne menaxhojmë llogaritjen e pagave për dhjetëra biznese në Tiranë me saktësi të garantuar.
Kufijtë e pagës — minimale dhe maksimale
Paga minimale në Shqipëri për vitin 2026 është 50,000 lekë bruto në muaj — vendosur me VKM nr. 776, datë 19.12.2025 dhe e detyrueshme për çdo punonjës me kontratë të plotë. Asnjë punonjës nuk mund të deklarohet me pagë nën këtë kufi, pavarësisht orarit, llojit të kontratës ose periudhës së provës. Shkelja sanksionohet me gjobë sipas ligjit (masa përcaktohet si shumëfish i pagës minimale).
Kufiri maksimal për sigurime
Paga maksimale për efekt të sigurimeve shoqërore është 186,416 lekë bruto/muaj (nga 1 janari 2026) — kontributet llogariten vetëm deri në këtë shumë, edhe nëse paga reale është shumë më e lartë. Mbi pagën maksimale, punonjësi dhe punëdhënësi nuk paguajnë sigurime shtesë, por tatimi mbi pagën vazhdon të aplikohet pa kufizim. Këto kufij rishikohen periodikisht me VKM — ne përditësojmë llogaritjet menjëherë pas çdo ndryshimi.
Kontributet e detyrueshme dhe detyrimet e punëdhënësit
Punëdhënësi në Shqipëri ka detyrime financiare të rëndësishme përtej pagës neto: paguan 15% sigurime shoqërore dhe 1.7% sigurime shëndetësore mbi pagën bruto të çdo punonjësi, si kontribut i vet. Gjithashtu, punëdhënësi mban dhe derdh si ndërmjetës pjesën e punonjësit: 9.5% sigurime shoqërore + 1.7% sigurime shëndetësore + tatimin mbi pagën sipas shkallës progresive.
Afati i deklarimit dhe pagesat
Totali i kontributeve (punëdhënës + punonjës) arrin 27.9% të pagës bruto. Punëdhënësi dorëzon listëpagesën mujore pranë DPT-së deri në datën 20 dhe paguan kontributet brenda të njëjtit afat nëpërmjet bankës. Mospagimi ose pagesa e vonuar sjell kamatë-vonesë dhe gjoba administrative. Ne llogarisim, deklaroj dhe ndjek pagesat e kontributeve për çdo klient.
Deklarimi i punonjësve dhe listëpagesa
Çdo muaj, punëdhënësi dorëzon pranë DPT-së nëpërmjet platformës e-filing: listëpagesën e sigurimeve shoqërore me të dhënat e çdo punonjësi (emri, numri personal, paga bruto, kontributet, ditët e punës), deklaratën e tatimit mbi pagën me shumën e mbajtur dhe derdhur, dhe formularët shtesë për punonjës në raport mjekësor, barrëlindje ose leje.
Punësimi informal dhe gjobat
Regjistri i punonjësve duhet azhurnuar para fillimit të punës — punësimi informal (mosregjistrimi i punonjësit) sanksionohet me gjobë 200,000 lekë/punonjës për tatimpaguesit e TVSH-së/tatim-fitimit (50,000 lekë për të tjerët), sipas Ligjit nr. 9920/2008, Neni 119. Gabimet në listëpagesë (pagë nën minimale, kontribute të gabuara) sjellin gjoba shtesë dhe nevojë për korrigjim retroaktiv. Ne përgatisim dhe dorëzoj çdo muaj listëpagesën për klientët tanë, duke siguruar saktësi dhe respektim të plotë të afateve.
Ndihma profesionale për pagat dhe sigurimet
Llogaritja e pagave kërkon njohuri të thellë dhe të përditësuar të normave tatimore, kontributeve dhe ligjit të punës — norma dhe kufij që rishikohen çdo vit me VKM. Gabimet sjellin gjoba tatimore, ankesa punonjësish pranë Inspektoratit të Punës dhe kontrolle tatimore të mundshme.
Shërbimi ynë për pagat dhe sigurimet
Ne ofrojmë shërbim të plotë të pagave: llogaritje mujore të saktë, përgatitje listëpagesash, deklarim kontributesh brenda afatit, vërtetime pune, trajtim i raporteve mjekësore dhe këshillim të vazhdueshëm për çdo pyetje rreth pagave dhe marrëdhënieve të punës. Me përvojë të gjatë, menaxhimi ynë profesional redukton ndjeshëm rrezikun e gabimeve dhe të vonesave — biznesi juaj fokusohet në rritje ndërsa pagat janë gjithmonë në rregull.