Regjistrim Biznesi në Shqipëri — Guida e Plotë

Hapi i parë para regjistrimit është zgjedhja e formës juridike që i përshtatet biznesit tuaj. Personin Fizik e zgjedhin zakonisht freelancer-ët dhe bizneset e vogla me rrezik të ulët financiar. Procedura është e thjeshtë dhe kostoja minimale. SH.P.K-ja (Shoqëria me Përgjegjësi të Kufizuar) ofron mbrojtje të pasurisë personale, kërkon kapital minimal prej 100 lekësh (Ligji nr. 9901/2008 "Për Tregtarët dhe Shoqëritë Tregtare", neni 70) dhe është forma më e zakonshme për bizneset me xhiro mbi 8 milionë lekë. SHA-ja (Shoqëria Aksionare) përdoret për biznese të mëdha me kapital aksionar mbi 3.5 milionë lekë (Ligji nr. 9901/2008, neni 105).

Si ndikon forma juridike në tatime

Zgjedhja ndikon drejtpërdrejt në detyrimin tatimor, përgjegjësinë ligjore dhe mundësitë e financimit. Ne analizojmë xhiron tuaj të parashikuar, numrin e punonjësve dhe nivelin e rrezikut për të këshilluar formën optimale, duke shmangur kostot e panevojshme dhe ndërrimin e formës juridike në të ardhmen.

Qendra Kombëtare e Biznesit (QKB) është institucioni ku regjistrohet çdo biznes në Shqipëri. Për Personin Fizik nevojiten: dokumenti i identitetit, formulari i aplikimit, zgjedhja e kodit NACE dhe tarifa e regjistrimit (100 lekë). Për SH.P.K-në nevojiten gjithashtu: akti i themelimit i noterizuar, statuti, vendimi i ortakut, vërtetimi i depozitimit të kapitalit themeltar në bankë dhe formulari i plotësuar.

Regjistrimi online ose fizik

Regjistrimi mund të bëhet online nëpërmjet portalit e-Albania ose fizikisht pranë sporteleve të QKB-së. Pas regjistrimit, biznesi merr NIPT-in (Numrin e Identifikimit të Personit të Tatueshëm) brenda 1–3 ditëve pune. Ne përgatisim çdo dokument dhe kryej regjistrimin në emër të klientit, duke shmangur gabimet proceduriale që vonojnë marrjen e NIPT-it.

Pas marrjes së NIPT-it, biznesi duhet të regjistrohet pranë Drejtorisë së Përgjithshme të Tatimeve (DPT) për detyrimet fiskale. Nëse xhiroja vjetore parashikohet mbi 10 milionë lekë, regjistrimi për TVSH është i detyrueshëm brenda 15 ditëve nga kalimi i pragut (VKM nr. 953/2014, neni 11, në zbatim të nenit 117 të Ligjit nr. 92/2014; afati 15-ditor: neni 122/1). Bizneset nën pragun e TVSH-së zbatohet tatimi i thjeshtuar mbi qarkullimin.

Detyrimet pas marrjes së NIPT-it

Gjithashtu nevojitet: hapja e llogarisë bankare të biznesit (e detyrueshme për transaksione mbi 100,000 lekë sipas kufirit B2B 2026), regjistrimi për fiskalizimin e faturave (i detyrueshëm para lëshimit të faturës së parë), regjistrimi për sigurimet shoqërore para punësimit të punonjësit të parë, dhe marrja e licencave specifike sipas veprimtarisë. Ne kujdesemi për çdo hap pas regjistrimit për të siguruar fillim të rregullt.

Disa veprimtari ekonomike kërkojnë licencë profesionale para fillimit të punës — për shembull, shërbime financiare, ndërtim, transport, ushqim ose shëndetësi. Licencat lëshohen nga ministritë dhe agjencitë përkatëse; mosmarrja e licencës sjell gjoba dhe ndalim veprimtarie. Nomenklatura e Veprimtarive Ekonomike (NACE Rev. 2) përcakton kodin e aktivitetit pranë QKB-së.

Kodi NACE dhe ndikimi në tatime

Zgjedhja e kodit të saktë të nomenklaturës ndikon drejtpërdrejt në detyrimet tatimore, rregullatore dhe në licencat e nevojshme. Bizneset mund të regjistrojnë më shumë se një kod NACE nëse ushtrojnë veprimtari të ndryshme. Ne ndihmojmë me identifikimin e kodit korrekt, me marrjen e licencave të nevojshme dhe me konsultimin për strukturën e duhur ligjore.

Për hapat praktikë të hapjes së biznesit — nga zgjedhja e formës ligjore te deklarata e parë — lexoni si të hapësh biznes në Shqipëri.