Regjistrim Biznesi në QKB — Procedura Hap pas Hapi

Qendra Kombëtare e Biznesit (QKB) është institucioni shtetëror përgjegjës për regjistrimin, modifikimin dhe çregjistrimin e subjekteve tregtare në Shqipëri, bazuar në Ligjin nr. 9723/2007 "Për Qendrën Kombëtare të Biznesit". Çdo biznes që regjistrohet merr NIPT-in (Numrin e Identifikimit të Personit të Tatueshëm) — identifikuesi unik 10-shifror që përdoret në të gjitha marrëdhëniet me administratën tatimore, bankën dhe palët e treta.

Regjistri i QKB-së është publik dhe i aksesueshëm falas — kushdo mund të kërkojë për subjekte me NIPT ose emër tregtar nëpërmjet portalit qkb.gov.al. Informacioni zyrtar tregon statusin aktual të biznesit, administratorin, kapitalin dhe veprimtarinë. Ne përdorim portalin e QKB-së për verifikimin e partnerëve të biznesit të klientëve të mi.

Regjistrimi si Person Fizik pranë QKB-së është procedura më e thjeshtë dhe ekonomike. Dokumentet e nevojshme: dokumenti i identitetit (kartë ID ose pasaportë e vlefshme), formulari Q1 i plotësuar me të dhënat e veprimtarisë, zgjedhja e kodit NACE për aktivitetin e biznesit, adresa e selisë, dhe tarifa e regjistrimit (100 lekë). Procesi zgjat 1–2 ditë pune.

Pas regjistrimit, personi fizik merr NIPT-in e tij unik dhe mund të fillojë veprimtarinë dhe faturimin e fiskalizuar menjëherë. Personi fizik mban përgjegjësi të pakufizuar me pasurinë personale — për veprimtari me rrezik financiar të lartë, SH.P.K është alternativa e duhur. Ne përgatisim dokumentet dhe kryej regjistrimin me saktësi, duke shmangur kthimin e aplikimit për shkak gabimesh formale.

Regjistrimi i SH.P.K-së pranë QKB-së kërkon dokumentacion më të detajuar: aktin e themelimit të noterizuar, statutin e shoqërisë me të drejtat dhe detyrimet e ortakëve, vendimin e ortakut/ortakëve për emërimin e administratorit, vërtetimin bankar të depozitimit të kapitalit themeltar (minimumi 100 lekë), kopjet e dokumenteve të identitetit të të gjithë ortakëve dhe administratorit, formularin e plotësuar Q2 dhe tarifën e regjistrimit.

Pas verifikimit të dokumenteve, QKB-ja lëshon certifikatën e regjistrimit me NIPT-in brenda 2–3 ditëve pune. Gabime formale në akt themelimin ose statut mund të vonojnë regjistrimin me javë. Ne përgatisim të gjitha dokumentet, koordinojmë me noter dhe sigurojmë aprovim të parë herë pa kthime korrektuese.

Portali e-Albania mundëson regjistrimin e biznesit online pa shkuar fizikisht në QKB — shërbim i disponueshëm 24/7. Aplikanti hyn me kredencialet e e-Albania (ID kartë + nënshkrim elektronik), zgjedh shërbimin "Regjistrimi Fillestar i Subjektit Tregtar" dhe plotëson formularin elektronik me të dhënat e biznesit. Dokumentet skanohen dhe ngarkohen dixhitalisht në sistem.

Pas dorëzimit, QKB-ja verifikon aplikimin dhe lëshon certifikatën e regjistrimit elektronikisht brenda afatit ligjor. Ky process eliminon radhët fizike dhe mundëson regjistrim nga kudo në Shqipëri dhe jashtë saj. Kosto për regjistrimin online është e njëjtë me atë fizike. Ne e kryej regjistrimin online në emër të klientëve me autorizim notarial, duke siguruar saktësi të plotë të dokumentacionit.