Ligji 9920 — Procedurat Tatimore në Shqipëri

Ligji nr. 9920/2008 "Për procedurat tatimore në Republikën e Shqipërisë", i ndryshuar me ligjet 97/2019, 83/2020 dhe paketa fiskale 2025, është ligji bazë i marrëdhënieve tatimore. Rregullon: regjistrimin dhe çregjistrimin tatimor të subjekteve, mbajtjen e llogarive dhe ruajtjen e dokumentacionit (10 vjet), dorëzimin e deklaratave tatimore dhe afatet e pagesës, kontrollin tatimor (inspektimin, verifikimin e dokumenteve), vlerësimin tatimor dhe metodat e llogaritjes (indirekte kur mungojnë dokumentet), mbledhjen me forcë të borxhit tatimor (sekuestro e llogarive, bllokimi i aktiveve), ankimimet administrative (Drejtoria e Apelimit Tatimor) dhe gjyqësore, gjobat dhe kamatëvonesat, dhe bashkëpunimin ndërkombëtar tatimor (marrëveshje OECD).

Ligji 9920 nuk përcakton normat tatimore — ato gjenden në ligjet specifike (TVSH, tatim fitimi etj.). Ne njohim çdo aspekt të tij dhe mbroj interesat e klientëve.

Ligji 9920 garanton të drejta të qarta për tatimpaguesin:

• E drejta për informim — DPT duhet tju njoftojë me shkrim para fillimit të çdo kontrolli tatimor (zakonisht 30 ditë paraprak)
• E drejta për përfaqësim — kontabilisti, avokati ose personi i autorizuar mund tju përfaqësojë plotësisht gjatë çdo procedure
• E drejta për ankim — 30 ditë nga njoftimi i vlerësimit tatimor, pranë Drejtorisë së Apelimit Tatimor; pastaj Gjykata Administrative
• E drejta e konfidencialitetit — të dhënat tatimore janë sekret dhe nuk mund të përdoren jashtë qëllimit tatimor
• E drejta për rimbursim — nëse keni paguar tatim mbi detyrimin, rimbursimi bëhet brenda 30 ditëve nga kërkesa
• E drejta për marrëveshje paraprake — tatimpaguesi mund të kërkojë qëndrim paraprak të DPT-së (ruling) për çështje të ndërlikuara tatimore

Ne njohim çdo të drejtë dhe i ushtroj aktivisht për mbrojtjen e klientëve.

Ligji 9920 parashikon katër lloje kontrolli tatimor: (1) Kontroll i plotë — inspektim i gjithë veprimtarisë tatimore për 1 ose më shumë vite, maksimumi 60 ditë pune; (2) Kontroll i pjesshëm — vetëm për disa tatime specifike ose periudha të caktuara; (3) Verifikim i shpejtë — kontroll në terren pa njoftim paraprak (vetëm raste specifike të parashikuara nga ligji); (4) Kontroll kundër-kontabël — krahasim i të dhënave tuaja me ato të furnitorëve ose klientëve.

Procedura standarde: DPT njofton tatimpaguesin me shkrim (zakonisht 30 ditë para), tatimpaguesi përgatit dokumentet dhe hap aksesin në sistemet kontabël, inspektorët kryejnë kontrollin dhe hartojnë raportin, tatimpaguesi ka 15 ditë kalendarike për të paraqitur kundërargumentet (nenet 83–84, Ligji 9920/2008), DPT lëshon vlerësimin final. Ne përgatisim klientët për kontroll dhe i përfaqësoj gjatë gjithë procesit.